等

等一個永無可能知道的答案和永無機會發生的結果。

等車

今晩，跑完步，一個人走過那一晚和你一起等車的地方。
有點掛住你。

輕了、快了、爽了

Macbook叫救命，startup disc full，行得好慢好慢。連相都過不到。
唯有"的”地心肝，來個backup。就先從相片開始吧。
....34GB相，backup了兩個多小時。
Backup了，就恨下心腸，將Macbook中一些舊相刪除。這一些，都有12GB....
一下子，macbook輕了、快了、爽了。
我都想，刪除一些記憶，好讓我輕了、快了、爽了。

陌生

有無試過突然你望住你身邊嘅人，佢地可能係你應該好熟悉的朋友，但你忽然間覺得佢地好陌生？
本來，同佢、佢、佢，仲有佢都已經好close，但突然，無發生過咩事，佢地驟然變得好陌生，甚至，有點驚佢地。
我最近經常有DD感覺，係唔係有病？

Lay mine

有時覺得日子還可以過，有時心情又懷得要命，如此起起伏伏，唔好話朋友，自己都頂自己唔住。
朋友，對不起，我想lay mine一陣。

只是兩星期

原來只過了兩星期，為甚麼時間好像過得這麼慢？
言猶在耳，但一切都變了。

未得

今晚同同事打邊爐。
On the way 經過你同我行過嘅一段路，仍然傷心...

又跑完啦

今晚又跑，本來諗住跑４個圈就算，但跑跑下又跑到喎...
諗住跑到不如跑夠10K，一心諗住大功告成，返到終點先知，原來個圈無1.6K....

你知道一定笑死....

Where are you?

Where are you? I do wanna see you again, and need you be my side. Where are you???

So tired

I'm trying my best to be happy and cheerful.
But, I really feel tired.

講你知

今日好忙呀，又返學又開會又返教會小組。
之前返咗三個星期工，今日先可以返番學，見到同學都好開心，Sherring不斷係度sell個老師，話佢係Christian，未結婚，有樓... 俾佢激死。我一見佢，就覺得佢乸乸地，仲以為佢係基嘅...
返咗學急急腳去同班Marfan病友開會，上次甩咗佢地底，今次一定不容有失！見到佢地都咁落力、認真，真係好開心，連醫生都肯commit，真係覺得過去六年的時間係值得！希望一切順利！
原本諗住唔去小組，但之前應承咗，就去啦。雖然無做過Ｄ咩，但一班人嘈嘈閉，都幾好。

好想好想好似之前咁係msn同你傾偈，將發生過嘅事都講你知。

飲

對不起，又飲多了。
但飲了舒服喎... 你都走咗唔理我就由我啦～

一星期

你走了不只一星期吧。
你沒有對我說再見。
那晚，你問我的問題，我沒有答，你說你等我的答案。
我其實想告訴你，給我多一點時間，多一點時間，讓我去相信你，多一點時間，讓我忘記之前的事，就可以了。
但你卻等不下去。

心，有點痛

今天天氣很好，我坐叮叮回公司，經過我們走過的路。
心，有點痛。

Cutter

原來，無論有幾多嘢讓我開心，都會好似有一把Cutter，界住個心咁。
不時唔係好覺，但當我想笑時，就會發現有d嘢係度。唔係十分十分痛，而係一種痛輕輕慢延、漸漸擴大嘅痛，血慢慢流出嚟，唔覺唔覺，一地都係。

多一個圈

今晚，我又跑多一個圈。我好開心。
我知道，你知道的話，一定會讚我叻。
所以，我一定會叻。

跑

今晚，又跑多一個圈，六個圈，無抖過。
只有不斷跑不斷跑的時候，覺得舒服一點。

很短

那天，是心情很差的一天。
你坐在我隔離的一枱，我過來和大家打招呼。很久沒見，我們交換了咭片。

過了好幾天，你打給我。我們約了見面。
離開之際，你對我說，見到我，你很開心。我有點愕然。

之後的晚上，我們偶然在 msn 傾偈。
你笑我練跑跑得太慢，但又叫我不要急。
到正式跑的那天，你說你在終點等我。
你又笑我年紀這麼大，才來學結他。
我說我一定會學好！

那天晚上，我們吃晚飯，吃得很跑，你陪我走了好一段路。
你說，你覺得我總是有點難過，雖然我總是在笑...
這就只有你一人知道。我有一點感動。
那晚，你問我的那個問題，我沒有回答。

之後，就沒有之後了。

很短的時間，但己夠讓我傷心，你會知道嗎？

瞓醒

好想這一切都是惡夢，瞓醒就無事。
但現實，瞓醒，先係惡夢。

經驗

每次一想起，都好像有隻手揪住胸口。
我不相信時間可以治療一切傷口，只是因為怕身邊友儕憎惡嫌棄，於是才裝作若無其事，不得不扮作堅強。心底那個缺口，終生還在。
信我，我有經驗。

msn

我竟蠢得以為每次msn online的聲音都有可能是你。

盡力

我會盡力做好我應該做的，到有一天，我做不到，請原諒我。

痛

...真的很痛。

跑

今晩，我跑了五個圈。
很想和之前一樣，告訴你，我有幾叻。

記住了

你講過的，我都記得，一直都記得。

Reli Sorry

天父，我好累好累。
我想好好過每一天，但提不起勁。對不起。

對不起我不明白

真的，忍唔住想問，點解?
我沒有苛求、沒有勉強、沒有怨... 我願意接受現實、接受我理解不到、不明白的事，甚至....
但天父，為甚麼我那微小的都要拿走?
我是不是做錯了甚麼? 為甚麼對其他人那麼容易的，對我，那麼難?
對不起天父，我真的傷心。

我睇你呃得我幾耐！

我覺得我好叻o架...
我會繼續叻，大個啦嘛，唔會好似以前咁。
感覺係呃人... 我知o架！